نصيحة رائعه قدمها مدير جامعة الخرطوم للاباء في موتمر التعليم,,
نصيحة قدمها مدير جامعة الخرطوم للاباء في موتمر التعليم,,
اياكم تبنوا طوبة واحدة لأولادكم٬ إياكم تبنوا ليهم بيت أو تشتروا ليهم شقق أو أراضي أو تسيبوا ليهم فلوس في البنك. لو معاكم فلوس زيادة استثمروا في أولادكم وإياكم تستثمروا ليهم. اصرفوا كل الفلوس الزيادة عليهم٬ دخلوهم أحسن مدارس وأحسن جامعات وعلموهم أحسن تعليم٬ علمهم لغتين أو ثلاثة أو أربعة٬ فهموهم إن النجاح في الحياه مش ضروري يكون مرتبط بالنجاح في المدرسة أو الجامعة٬ وإن ربنا خلق لكل واحد موهبة٬ المحظوظ اللي بيكتشفها٬ والشاطر اللي بيشتغل عليها٬ والناجح هو اللي بيشتغل بيها. علشان كدا اكتشفوا مواهب أولادكم٬ اشتغلوا واصرفوا عليها وكبروها٬ وخليهم يشتغلوا ويكبروا بيها.
الفلوس مش هيعملوا بيها حاجة لو كبروا ولقوا نفسهم مش معاهم غيرها٬ والبيت اللي هتفضلوا عمركم كله تستثمروا فلوسكم فيه وتبنوه ليهم٬ هم هيجيبوا أحسن منه٬ في وقت وبمجهود أقل بكتير لو كرستم فلوسكم ومجهودكم في إنكم تبنوهم نفسهم وتستثمروا في شخصهم. ابني ابنك ولا تبني له وإستثمر فيه ولا تستثمر له.
الورث الحقيقي لأولادكم مش فلوس أو بيت أو أرض٬ الورث الحقيقي هو أولادكم نفسهم.
ليست هناك تعليقات :
إرسال تعليق